दृष्टी स्त्री अध्ययन प्रबोधन केंद्राने केलेल्या भारतीय स्त्रियांच्या सद्यस्थितीच्या सर्वेक्षणाचे लोकार्पण काल नागपूरला झाले. त्या कार्यक्रमाचे वृत्त आजच्या वृत्तपत्रात आले आहे. राष्ट्र सेविका समितीच्या प्रमुख संचालिका शांताक्का यांनी या प्रसंगी बोलताना एक विचार मांडला की - 'हे सर्वेक्षण उत्कृष्ट झाले आहे पण विदेशी मापदंडाने झाले आहे. सर्वेक्षणाचे मापदंड भारतीय दृष्टीने तयार व्हावयास हवे.' अतिशय महत्त्वाचा आणि मूलभूत असा हा विचार आहे. तसेच केवळ महिला या विषयापुरता मर्यादित नसून; सामाजिक, आर्थिक, राजकीय, सांस्कृतिक, शैक्षणिक, मनोरंजन, वैद्यक, कला, कामगार, विकास, उपासना आणि जीवनाच्या सगळ्याच अंगांना लागू होणारा आहे. अनेक गोष्टी चांगल्या आणि चांगल्या हेतूंनी केल्या जातात; पण तेवढे पुरेसे नसते. तात्कालिक, दीर्घकालीन आणि चिरंतन असा सगळा विचार आवश्यक असतो. त्या दृष्टीने शांताक्काजी यांनी मांडलेला मूलभूत विचार पाहिला पाहिजे.
- श्रीपाद कोठे
११ ऑक्टोबर २०१९
कोणत्याही टिप्पण्‍या नाहीत:
टिप्पणी पोस्ट करा