एक खुलासा-
माझ्या पोस्ट वाचताना अनेकदा वाचकांचा गोंधळ आणि गैरसमज होतो असं अनुभवाला येतं. त्यासाठी.
माझ्या लिखाणातील राजकीय, सामाजिक, आर्थिक, सांस्कृतिक, ऐतिहासिक, धार्मिक इत्यादी उल्लेख हे उदाहरण अथवा संदर्भ म्हणून असतात. त्या विश्लेषणातून, विवेचनातून, मांडणीतून; मला प्रतीत होणारं मुलभूत सत्य; मूळ बाब मांडणे हा त्याचा उद्देश असतो. कोणी व्यक्ती, व्यवस्था, पक्ष, सत्ता, फायदे-तोटे; या साऱ्यात व्यक्तिश: मला तर काही देणेघेणे नसतेच; पण संबंधितांचे काय होते, होईल, व्हावे यातही मला रस नसतो. आपली नजर जाईल तेथवर आणि आपल्या भावना विचार जातील तेथवर; भूत, वर्तमान आणि भविष्य; यांच्या संदर्भात जीवन विषयक चिंतन सगळ्यांपुढे विचारार्थ ठेवणे; हा त्या लिखाणाचा गाभा असतो. (अर्थात वैचारिक लिखाणाचा). वाचताना, प्रतिक्रिया देताना (अर्थात वाचलेच तर) हे लक्षात ठेवावे, ही प्रार्थना.
- श्रीपाद कोठे
१९ जानेवारी २०१८
कोणत्याही टिप्पण्‍या नाहीत:
टिप्पणी पोस्ट करा