'फतेह का फतवा'

'फतेह का फतवा' असा एक कार्यक्रम झी न्यूजवर रविवारी पाहिला. विषय होता- मुस्लिम समाजातील फतवा. तारेक फतेह स्वत: मुस्लिम. त्यात सहभागी पाच जण देखील मुस्लिम. त्यातील दोन महिला. कार्यक्रमाचं स्वरूप मुस्लिम समाजावर मुस्लिमांनी केलेली चर्चा असंच होतं. त्यात चर्चेच्या ओघात एकाने भलताच दावा केला. त्याच्या हातात एक पुस्तक होते आणि त्या आधारे तो दावा करीत होता. दावा असा की, हिंदूंची जी मंदिरे औरंगजेबाने पाडली; त्यासाठी हिंदू पुजाऱ्यांनीच पत्रे लिहून त्याला आमंत्रण दिले होते. या मंदिरांमध्ये व्यभिचार आणि बलात्कार चालत. ते थांबावे म्हणून पुजाऱ्यांनी ही विनंती औरंगजेबाला केली होती. पुढे काय वाढून ठेवले आहे याची यावरून कल्पना यावी. याचे काही अर्थ ध्वनित होतात-

१. मंदिरे पाडण्यासाठी हिंदूच जबाबदार आहेत.

२. हिंदू मंदिरे ही वासनांधांचे अड्डे होते.

३. औरंगजेबाने केले ते योग्यच होते.

४. महिलांनी हिंदू समाज व धर्माचे स्वरूप ओळखावे.

५. हिंदूंनी मुसलमानांच्या ताब्यातील मंदिरांची मागणी करणे चुकीचे आहे.

६. अशा प्रकारची पुस्तके वगैरे छापून कपोलकल्पित गोष्टींना अधिकृतता मिळवून देणे.

तारेक फतेह विरुद्ध पाच असा हा सामना होता. त्यांनी वारंवार एक प्रश्न केला- औरंगजेबाला तुम्ही आपला हिरो मानता का? पाचपैकी एकानेही उत्तर दिले नाही.

- श्रीपाद कोठे

२४ जानेवारी २०१७