- पूर्वी एका राजाचा लहरीपणा चालायचा. लोकशाहीत राजांची संख्या अमाप झाली.
- पूर्वी सत्तेसाठी फक्त राजे संघर्ष करीत. लोकशाहीत समाज वा समाजगट सत्तेसाठी संघर्ष करतात.
- मानवी इतिहासात सत्तेचे असंख्य प्रयोग झाले. सगळ्यांनी सत्ता चाखली. सहभागीता वगैरे उलटी व्हावी इतपत झाले. तरीही एकुणात माणूस सुखी झाला नाही.
- सत्तेला पर्याय नाही. पण विचारी, समजूतदार, जबाबदार; चांगल्या अन व्यापक मनाचा, चांगल्या अन व्यापक वृत्तीचा मनुष्यसमाज ही कोणत्याही व्यवस्थेची पूर्वअट असते. असायला हवी. खरं तर अशा समाजाला सत्तेची गरजच अत्यल्प राहील.
- माणसे सत्तेचा खूप विचार करतात. कारण त्यांना चांगले अन व्यापक होणे आवडत नाही वा जमत नाही.
- श्रीपाद कोठे
५ जुलै २०१८
कोणत्याही टिप्पण्‍या नाहीत:
टिप्पणी पोस्ट करा