गुरुत्वाकर्षण म्हणजे काय हे कोणालाही माहीत नाही. सांगता येत नाही. अगदी न्यूटनला सुद्धा. अमुक गोष्टी अशा घडतात. त्या घडवणारी शक्ती म्हणजे गुरुत्वाकर्षण. म्हणजे परिणामावरून त्याचं कारण सिद्ध होतं. प्रत्यक्ष कारण म्हणजे काय, त्याचं स्वरूप; हे मात्र ठाऊक नसतं. हे योग्यच आहे. मात्र हे योग्य मानणारे लोक, पुनर्जन्म वा तत्सम गोष्टींचं असं विश्लेषण अमान्य करतात. पुनर्जन्म नेमका कसा असतो, पुनर्जन्म म्हणजे काय, ईश्वर म्हणजे काय; इत्यादी सांगता येत नाही. जसे गुरुत्वाकर्षण म्हणजे काय हे सांगता येत नाही. पण माणसाच्या जन्मजात क्षमता आणि मर्यादा, त्यातील भेद, वर्तन- समज- आकलन- अनुकरण- याबाबींच्या जन्मजात शक्ती; prodigy children; क्वचित आढळणारी गेला जन्म आठवणारी व्यक्ती (नागपूरचे उत्तरा हुद्दार यांचे प्रसिद्ध प्रकरण); यावरून करता येणारा पुनर्जन्माचा दमदार सिद्धांत; किंवा या विश्वाच्या परिणामांवरून केली जाणारी ईश्वर कल्पना मात्र फेटाळून लावायच्या.
हे काही बुद्धीला, तर्काला धरून नाही.
- श्रीपाद कोठे
१५ डिसेंबर २०१५
कोणत्याही टिप्पण्‍या नाहीत:
टिप्पणी पोस्ट करा