सगळ्या जगाने हिंदू होण्याला पर्याय नाही. तसे झाल्याशिवाय जगाचे भले नाही. कारण-
हिंदू होणे म्हणजे-
अ) कोणी कोणत्याही मार्गाने ईश्वराची भक्ती, आराधना करू शकतो या तत्वाला मान्यता देणे.
ब) ईश्वर न मानण्याचीही पूर्ण मुभा.
क) आपल्याच मार्गाने ईश्वराची प्राप्ती होईल या आग्रहाचा त्याग.
ड) `सर्वेपि सुखिन: सन्तु' या तत्वाचा जीवनाच्या सर्व क्षेत्रात आग्रह.
इ) सगळ्यांना असे सुख प्राप्त व्हावे यासाठी तडजोड करण्याची तयारी.
ख्रिश्चन, मुस्लिम, कम्युनिस्ट, जडवादी, विज्ञानवादी, भांडवलवादी यापैकी कोणीही ही तत्वे मान्य करीत नाहीत. १००% हिंदू समाज या तत्वांचे १००% पालन करीत नाही. पण ही तत्वे केवळ आणि केवळ हिंदूच मान्य करतात. अन्य लोक तर ती मान्यही करीत नाहीत. मग तत्वे मान्य करून त्यानुसार व्यवहार करण्याचा आग्रह धरणे उचित की, ही उदार आणि सर्वसमावेशक तत्वे बासनात गुंडाळून ठेवणे इष्ट. अन ही तत्वे जर योग्य असतील तर ती काही प्रमाणात का होईना आचरणात आणणारा आणि त्यानुसार आचरण करण्याचा प्रयत्न करण्याचा इतिहास असणारा हिंदू टिकायला हवा की नाही? मग तो टिकण्यासाठी प्रसंगी आपद्धर्म म्हणून आक्रमक होण्यात चूक काय?
संपूर्ण जगाने हिंदू होणे योग्य की अहिंदू होणे योग्य? ही तत्वे मानणे आणि आचरणात आणणे म्हणजे हिंदू असणे. ही तत्वे मान्य करून अन आचरण्याचा प्रयत्न करून कोणी मशिदीत वा चर्चमध्ये जात असेल तर ती व्यक्तीही हिंदूच म्हणावी लागेल. गणेशाचे, शिवाचे, रामाचे, कृष्णाचे, देवीचे; तसेच अल्लाचे आणि येशूचे मंदिर असू शकेल. ही तत्वे मानली आणि पाळली म्हणजे झाले? हिंदू सोडून कोणाला ही तत्वे मान्य आहेत.
- श्रीपाद कोठे
२२ डिसेंबर २०१४
कोणत्याही टिप्पण्‍या नाहीत:
टिप्पणी पोस्ट करा