सर्वोच्च न्यायालयाने हिंदू ही उपासना पद्धती नसून जीवन पद्धती आहे, असे स्पष्ट करण्याला दोन दशके उलटून गेल्यानंतरही विचारी लोकांनी गोंधळ करावा; याची मनापासून गंमत वाटते. सर्वोच्च न्यायालयाने केलेल्या हिंदूच्या अर्थानुसार-
१) सर्वसमावेशक, सतप्रवृत्त जीवनपद्धतीने जीवन जगणारे हिंदू ठरतात. मग ते मुस्लिम, ख्रिश्चन, नास्तिक किंवा कोणीही असोत.
२) हिंदू राष्ट्र म्हणजे - हिंदूंचे राष्ट्र, कोणाच्या तरी विरोधातील राष्ट्र, असा नसून; सर्वसमावेशक सतप्रवृत्त जीवन पद्धतीने चालणारे राष्ट्र असा होतो. त्यामुळे हिंदू शब्दावर आक्षेप घेणाऱ्यांची कीवच करावी लागते.
३) आम्ही प्रथम भारतीय आहोत, मग मुस्लिम- ख्रिश्चन- आहोत; या धरतीवर आम्ही प्रथम भारतीय आहोत, मग हिंदू आहोत; असे म्हणण्याची गरज नाही. उलट आम्ही प्रथम भारतीय आहोत अन मग हिंदू आहोत, असे म्हणणे एक तर हास्यास्पद किंवा पोरकट किंवा निरर्थक ठरते आणि व्यवहारात गोंधळ निर्माण करणारे.
- श्रीपाद कोठे
१० जून २०१८
कोणत्याही टिप्पण्‍या नाहीत:
टिप्पणी पोस्ट करा