संघ शिक्षा वर्गाच्या काल पोस्ट केलेल्या नोंदींमध्ये दोन महत्त्वाच्या लक्षणीय नोंदी राहिल्या.
- सहभागी स्वयंसेवकांची नोंदणी २२ मे रोजी झाली. त्याच वेळी सगळ्यांचे भ्रमणध्वनी कार्यालयात जमा झाले, जे त्यांना परत जातानाच मिळाले. वर्ग २३ तारखेला सुरू झाला. त्याच दिवशी लोकसभेचे निकाल होते. मात्र कोणाजवळही भ्रमणध्वनी नव्हता आणि नियोजित कार्यक्रमात बदलाचा तर प्रश्नच नाही. यालाच साधना म्हणतात. (यालाच हुकूमशाही, हिटलरशाही इत्यादी म्हणतात असे ज्यांना वाटते त्यांनी वाटून घ्यावे. ज्यांना तशी प्रतिक्रिया द्यावीशी वाटेल त्यांनी प्रतिक्रिया द्यावी आणि उत्तराची वाट पाहावी.)
- समारोपाला बरेच निमंत्रित पाहुणे होते. त्यात दक्षिणी राज्यातील एक पाहुणे विशेष होते. (तपशील कोणाच्या लक्षात असेल तर त्यांचे नाव, राज्याचे नाव यांची पूर्ती करावी.) त्यांची बरीच सामाजिक कार्ये आहेत त्यातील एक काम म्हणजे, ते ज्या जातीचे किंवा जमातीचे आहेत, त्या जातीला किंवा जमातीला अनुसूचीतून वगळावे यासाठी ते जागृती/ कार्यक्रम/ आंदोलन करतात. त्यासाठी त्यांचे प्रयत्न सुरू आहेत. ही अतिशय लक्षणीय आणि नोंद घेण्यासारखी तसेच अनुकरणीय बाब वाटली. काही लोक आम्हाला आरक्षण नको, आम्हाला एवढा पगार नको; असंही काही काही करत असतात. तसंच हे. या सगळ्याच चळवळी व्हायला हव्यात खरे तर.
- श्रीपाद कोठे
१८ जून २०१९
कोणत्याही टिप्पण्‍या नाहीत:
टिप्पणी पोस्ट करा