काही मित्र जंगलात फिरायला गेले. त्यांचा आनंदविहार सुरु असताना त्यांना एक नैसर्गिक असा जलाशय दिसला. त्यांच्यापैकी एकाला त्यात हातपाय धुण्याची इच्छा झाली. त्याने मोबाईल, कॅमेरा, पाकीट, कंबरेचा पट्टा काढून काठावर ठेवले आणि तो पाण्यात उतरला. ५-१० मिनिटं गेली. छान सगळे मजा करत होते. अन गवतातले किडे हुडकत तिथे एक पक्षी आला. त्याने पाकीट चोचीत उचलले. मित्रांनी हाड हाड केलं तर तो उडाला. अन उडाला तो पाकीट घेऊनच. अन बरोब्बर त्या मोठ्ठ्या जलाशयाच्या मध्यावर त्याने ते चोचीतून टाकून दिले. बिच्चारा. डोक्याला हात लावून बसण्याशिवाय काय करू शकत होता? पैसे, लायसन्स, वेगवेगळे कार्ड वगैरे गेलं. गंगार्पण. कोणाकडे मागायचा न्याय? काय शिक्षा द्यायची पक्ष्याला?
आता बोला.
- श्रीपाद कोठे
२० जून २०१५
कोणत्याही टिप्पण्या नाहीत:
टिप्पणी पोस्ट करा