आपलेपणा दोन प्रकारचा असतो-
स्वार्थी अन जबाबदार.
स्वार्थी- आपलं म्हणता ना मग थोडं सहन करायला काय हरकत आहे?
जबाबदार- तेही आपलेच आहेत, त्यांना त्रास होऊ नये आपला.
स्वार्थी- हक्काने गाडी घेऊन जायची अन पेट्रोल सुद्धा टाकायचं नाही.
जबाबदार- हक्काने गाडी घेऊन जाईन पण त्याची अडचण होऊ नये याची खात्री करून घेईन.
स्वार्थी- आपल्या माणसाचा मोबाईल सरळ उचलून फोन लावायचा, गेम्स खेळायचे, त्याची सगळी खानेतलाशी करायची, मेसेजेस वगैरे वाचून बिचून घ्यायचे.
जबाबदार- ज्याची त्याची प्रायव्हसी जपली पाहिजे. वस्तू अशा वापरू नये.
स्वार्थी- बोलताना, वागताना तोल सांभाळायची गरज नाही.
जबाबदार- बोलताना, वागताना तोल सांभाळायला हवा.
स्वार्थी- शेजारी आपलेच आहेत, ढकल कचरा त्यांच्या बाजूला.
जबाबदार- शेजारीही आपलेच आहेत, आंबे, लिंबू, पेरू, फुले त्यांनाही देऊ.
- श्रीपाद कोठे
२८ फेब्रुवारी २०१७
कोणत्याही टिप्पण्‍या नाहीत:
टिप्पणी पोस्ट करा