आपल्या मनात पुढच्या क्षणी काय येईल ते सांगता येत नाही. तरीही त्याचं विश्लेषण करण्याचा, त्याचे अर्थ शोधण्याचा, ते ठीकठाक करण्याचा वगैरे घाऊक प्रयत्न आपण करत असतो. आपल्या अन दुसऱ्यांच्या विचार, व्यवहाराची चौकट बांधण्याचा प्रयत्न करतो. मग कधीही न अनुभवलेल्या गोष्टी साहित्यातून, कलेतून वगैरे समजावण्याचा प्रयत्न करतो. त्यांचा उलगडा करण्याचा उद्योग करतो. नुकताच स्टीफन हॉकिंग यांचा ७५ वा वाढदिवस झाला. ते म्हणाले- अखेरपर्यंत माझा मेंदू नीट राहावा. म्हणजे मेंदू आपल्या हातात नाही याची जाणीव आहे तरीही त्याच बेभरवशाच्या मेंदूवर सारी मदार आपण टाकत राहतोच. आपल्या गमतींना खरंच अंत नाही.
- श्रीपाद कोठे
१० फेब्रुवारी २०१७
कोणत्याही टिप्पण्‍या नाहीत:
टिप्पणी पोस्ट करा