अरे setting मध्ये इतके सारे options असतात. माहित नाही तुला?
नाही बा.
म्हणजे एखाद्याला ब्लॉक करणे एवढंच नाही, तर अगदी साळसूदपणे मित्र म्हणून ठेवूनही त्याला काहीही दिसू नये अशीही सोय करता येते. काय, कोणाला, किती दाखवायचं किंवा पाहू द्यायचं हेही करता येतं. अन अगदी फ्रेंड रिक्वेस्ट स्वीकारणं नाकारणंच नाही, कोणाला पाठवू द्यायची किंवा कोणाला पाठवू द्यायची नाही हेही आगावू करून ठेवता येतं.
नाही बा मला नव्हतं माहीत. त्या setting कडे कधी गेलोच नाही.
इतकी वर्षं होऊनही?
हो. कारण, कोणापासून लपवण्यासारखं काहीच नाही. काहीच लपवायचंही नाही. कोणाशी भांडण नाही. दुष्मनी नाही. कोणाबद्दल राग नाही. कोणाला टाळायचं नाही. कोणाला कवटाळायचं नाही. कोणाचा त्रास नाही. हां, कोणी आगाऊपणा केला, बदमाशी केली, जाणूनबुजून दुष्टपणा केला तर सरळ उचलून धरून फेकून देणार. thats all. आणि व्यक्तिगत संबंध वगैरे असतील ते त्या पातळीवर. त्यांची जागा ही नाही. त्यामुळे आडून आडून काही करण्याची गरजच नाही पडत.
- श्रीपाद कोठे
२५ फेब्रुवारी २०१७
कोणत्याही टिप्पण्‍या नाहीत:
टिप्पणी पोस्ट करा