एका अनिवासी भारतीयाला व त्याच्या सासर्याला मारहाण केल्याबद्दल अभिनेता सैफ आली खान आणि त्याच्या साथीदारांना पोलिसांनी अटक केली. फार कमी वेळा चांगल्या बातम्या ऐकायला मिळतात. ही बातमी त्यातलीच एक. पैशामुळे येणारा मस्तवालपणा आज अतिशय वाढला आहे. अगदी गल्लीबोळात सुद्धा अशी लाडावलेली धनिक बाळे पाहायला मिळतात. तुम्ही त्यांना बाजूला व्हा असे सुद्धा म्हणू शकत नाही. खोटा पैसा नुसता धो धो वाहतो आहे. अन माणुसपण, शांतता, सहजीवन, स्नेह अशासारख्या सार्या गोष्टी खाऊन टाकत आहे. अभिनेते, अभिनेत्री, खेळाडू (क्रिकेटपटू), खोटा आणि बेहिशेबी पैसा बाळगणारे नेते व नोकरशाह, अप्रामाणिक धनवंत व्यापारी, उद्योगपती हेच आज समाजावर प्रत्यक्ष आणि मानसिक दबाव टाकत आहेत. त्यांची एकूण औकात आणि वकूब काय असतो हे हे सार्यांना ठाऊक आहे. तरीही त्यांचीच आज पूजा होत आहे. त्याचाच एक भाग असलेल्या सैफला काही वेळासाठी का होईना अटक होणे ही म्हणूनच चांगली बातमी आहे. मस्तवालपणा ठेचला जायलाच हवा.
- श्रीपाद कोठे
२२ फेब्रुवारी २०१२
कोणत्याही टिप्पण्‍या नाहीत:
टिप्पणी पोस्ट करा