आधी मला वाटायचं की, लोकांना तत्वापेक्षा तंत्राचं आकर्षण असतं. पण आता तसं वाटत नाही. म्हणजे तंत्राचं आकर्षण असतंच पण तत्वापेक्षा नाही. कारण बहुसंख्य लोकांना तत्व ही गोष्टच समजत नाही. त्यांना तंत्रच समजतं. एखादी गोष्ट म्हणजे त्याचं तंत्र एवढीच त्यांची समज असते. तत्व त्यांच्या संदर्भ चौकटीत नसतंच. अन बहुतांश बाबतीत असंच असतं. राजकारण, समाजकारण, अर्थकारण, पाककला, संबंध, शिक्षण, प्रेम, आरोग्य, साहित्य, धर्म, उपासना, भक्ती; एक ना अनेक. तत्वसमज आणि तत्वचर्चा/ तत्वचिंतन हे नसतंच. त्याची जाणीवही नसते. तत्वाची जाण कशी उत्पन्न करायची हाही मोठा प्रश्नच आहे.
- श्रीपाद कोठे
१ मार्च २०२१
कोणत्याही टिप्पण्‍या नाहीत:
टिप्पणी पोस्ट करा