आजकाल जागतिक `उच्च रक्तदाब दिवस' देखील पाळण्यात येतो. पाळोत बिचारे. पण रक्तदाब वाढतो कशामुळे? खूप छोट्या छोट्या गोष्टींमुळे. उदा. - स्वच्छता !!! लोक उगाचच त्याचा बाऊ करतात किंवा तणाव घेतात. पण खरं सांगतो, बाऊ करण्यासारखं किंवा तणाव घेण्यासारखं काही नसतं त्यात. आता माझंच घ्या ना. घरातील एक कोपरा काल तब्बल आठ वर्षांनी आवरला, साफसूफ केला. काही नाही हो... सगळं मिळून तासाभरात काम झालं आणि कचरा किती निघाला म्हणता? बाकीच्या घराचा रोज जेवढा निघतो ना तेवढाच. आठ वर्षांनी तितकाच कचरा आणि रोजचाही तितकाच कचरा. कशाला जास्त कष्ट करायचे आणि तणाव घ्यायचा, चिंता करायची. बरं आठ वर्ष कोपरा साफ केला नाही तरीही, मलेरिया, डेंग्यू, टायफोईड, कर्करोग वगैरे काही झालं नाही. अगदी उच्च रक्तदाब सुद्धा नाही. पाहा बुवा, मी आपलं शेअर केलं सगळ्यांशी. बाकी काही सांगायचं वगैरे नाही. नाही तर म्हणाल, किती आळशी म्हणून.
- श्रीपाद कोठे
१७ मे २०१५
कोणत्याही टिप्पण्‍या नाहीत:
टिप्पणी पोस्ट करा