अमेरिकेतील दंगलींनी अमेरिकेचा मुखवटा तर गळून पडला आहेच, पण प्रत्येक गोष्टीत अमेरिका अमेरिका करणाऱ्या लोकांनाही आरसा दाखवला आहे. सतत आत्मनिंदा करणाऱ्यांची वाचा किमान या संदर्भात बंद झाली हे चांगले झाले. परंतु या दंगलींना वर्णभेदाचे रूप देणे मात्र तितकेसे योग्य वाटत नाही. हां, एका कृष्णवर्णीय व्यक्तीच्या मृत्यूनंतर या दंगली सुरू झाल्या हे खरे आहे. पण घडलेल्या घटनेमागे वर्णद्वेष आहे असा निष्कर्ष कसा काढता येईल? ज्या अमेरिकेत कृष्णवर्णीय राष्ट्राध्यक्ष आरामात राज्यकारभार करतात, ज्या अमेरिकेत सामान्य जीवनात कुठे वर्णभेद नाही; त्या ठिकाणी वर्णद्वेषाचा निष्कर्ष एकदम कसा काढता येऊ शकेल? कोणतीही व्यक्ती दुसऱ्या कोणत्याही व्यक्तीचा, कोणत्याही कारणाने द्वेष करू शकतेच. ज्याप्रमाणे कोण कोणावर का प्रेम करेल सांगता येत नाही तसेच द्वेषाचेही आहे. अगदी जे चार पोलीस त्या कृष्णवर्णीय व्यक्तीच्या मृत्यूसाठी जबाबदार आहेत, त्यांच्या मनात कृष्णवर्णीय लोकांविषयी दुष्ट बुद्धी राहू शकतेच. परंतु ही subjective बाब म्हणावी लागेल. त्यावरून अमेरिकेत मोठा वर्णद्वेष आहे असा निष्कर्ष काढणे चुकीचे ठरेल. भारतासह जगभरातच माणसाच्या विचारपद्धतीत हा दोष शिरलेला आहे. तो दूर व्हायला हवा.
- श्रीपाद कोठे
१ जून २०२०
कोणत्याही टिप्पण्‍या नाहीत:
टिप्पणी पोस्ट करा