आज ज्यांना उजवे म्हटलं जातं त्यांची एक चूक म्हणजे, त्यांना चिकटवण्यात आलेलं हे बिरूद त्यांनी स्वीकारलं आणि काही तर आता ते मिरवायला लागले आहेत. मुळातच हे डावे, उजवे ही भाषा सुद्धा चुकीची आहे. काही जणांना ती हवीच आहे. कारण भाषा, शब्द आपल्यासोबत भाव, विचार, धारणा घेऊन येतात. ते माणूस आणि समाज यांचं आंतरिक विश्व, समज, आकलन, छबी या साऱ्यावर परिणाम करतात. मुळात ज्यांना `उजवे' म्हटले जाते ते ना उजवे आहेत ना डावे. ते जीवनाचा जीवन म्हणून विचार करणारे आहेत. (खरे तर पृथ्वीच्या पाठीवर कुठेही आणि कोणीही असा डावा किंवा उजवा नसतो. तसा असूच शकत नाही. संघर्ष जन्माला घालण्यासाठी आणि कायम ठेवण्यासाठी या शब्दावलीचा वापर हेतूपुरस्सर केला जातो. कोणतेही वर्गीकरण हे फक्त अभ्यासासाठी असते, जीवनासाठी नाही.) पण `उजवे' हे बिरूद ठामपणे न नाकारल्याने विचार आणि भूमिका दोन्ही नीट घेताही येत नाहीत, मांडताही येत नाहीत, अन मुख्य म्हणजे मानवी कल्याणाच्या मार्गाने जाण्यात अडचण आणि गोधळ उत्पन्न होतो. leftist pushed us to the wall. (politically) त्यामुळे माझ्या मते- कितीही लादले गेले, कितीही temptation असले तरीही या भाषेचा वापर थांबवला पाहिजे. ज्यांचे हितसंबंध त्याच्याशी जुळले आहेत ते प्रयत्न करणारच की, ही भाषा वापरली जावी. पण त्या डावात न फसता, त्यांनी फेकलेल्या जाळ्यात न अडकता पुढे जायला हवे.
- श्रीपाद कोठे
१७ मार्च २०१९
कोणत्याही टिप्पण्‍या नाहीत:
टिप्पणी पोस्ट करा