एकटाच असल्याने दर महिन्यात गॅस सिलेंडर लागत नाही. कधी कधी आणून देणारी मुलं बदलतात. आज ज्याने सिलेंडर आणले त्याने पावती, पैसे देवाणघेवाण झाल्यावर सूचना केली - 'मी तुम्हाला म्हटलं होतं नं, दर महिन्यात नंबर लावत जा.'
त्यावर मी - 'एकतर तू पहिल्यांदा आला आहे. दुसरे तू आधी कधीही मला हे म्हटले नाही. अन सगळ्यात महत्वाचे, हे सांगणारा तू कोण? अन मी का दर महिन्यात नंबर लावायचा?'
पहिल्या दोन मुद्यांकडे निर्ढावलेपणाने दुर्लक्ष करून तो - 'तुम्ही नंबर लावत जा. सबसिडी जमा होत जाईल. मी नंबर विकून टाकत जाईन. दोघांचाही फायदा.'
मी - 'आता बोलला ते बोलला. पुन्हा हे बोलायची हिंमत पण करायची नाही. कानफटात बसेल.'
********************
नरेंद्र मोदी, राहुल गांधी, अखिलेश, मायावती, ममता, पवार यापैकी कोणीही किंवा सगळे पंतप्रधान झाले तरी वरीलसारख्या गोष्टींचं काय करतील? काय उपाय यावर? अन कृपया तक्रार करणे वगैरे उपायांचा रतीब घालू नये.
- श्रीपाद कोठे
२८ मार्च २०१९
कोणत्याही टिप्पण्‍या नाहीत:
टिप्पणी पोस्ट करा