@ १०-१२ दिवस नेटपासून दूर होतो. त्यातील तीन दिवस जम्मूत होतो. तीन दिवसात जवळपास ३०० सामान्य स्त्री पुरुषांशी बोललो. (संघाचे स्वयंसेवक नाही.) त्यातील एकालाही कन्हैय्या कुमार प्रकरण धड माहीत सुद्धा नव्हते. बहुसंख्य लोकांना तो कोण हेही माहीत नव्हते. सुमारे ९० टक्के लोकांनी कन्हैय्या अन त्याचे म्हणणे उडवून लावले.
@ जम्मूचे रघुनाथ मंदिर काही वर्षांपूर्वीच्या अतिरेकी हल्ल्याने प्रसिद्ध झाले. अजूनही रघुनाथ मंदिर म्हटले की तेच संदर्भ येतात. मात्र आता तेथे गेलात तर नागपूरच्या पोद्दारेश्वर राम मंदिराची मोठी आवृत्ती वाटावी. लहान मुले सुद्धा मनसोक्त बागडत असतात. भर बाजारात हे मंदिर आहे. या मंदिरात आणि बाजारात कोणीही एकटादुकटा मुक्तपणे फिरू शकतो.
@ या मंदिराच्या समोरच आपल्याकडच्या सारखे मुगाच्या डाळीचे कुरकुरीत चविष्ट पकोडे सुद्धा मिळतात अन एक नंबर चहा सुद्धा.
@ तवी नदीच्या पात्राला लागून एक चार धाम मंदिर आहे. तेथे आपले पंढरपूरचे विठ्ठल रखुमाई सुद्धा आहेत. सगळ्या प्रांतांचे देवादिक आहेत. कोणाचाही त्याला विरोध वगैरे नाही.
@ 'बहु फोर्ट'मधील काली मंदिरात दर मंगळवार अन रविवार हजारो लोक दर्शनाला मुक्तपणे येतात अन तेथील भंडारा भोजनाचा आस्वादही घेतात. जात- धर्म- लिंग या कशाचाही भेदभाव न करता. अन देवी अंगात वगैरेही येते. आपल्याकडच्या सारखीच.
- श्रीपाद कोठे
२२ मार्च २०१६
सिंधू दर्शनाला तिगस्त साली गेलो होतो,आपल्या संघ रचनेतून.श्रीनगरला एका मंदिरात भोजन व्यवस्था होती.आपल्या एकल विद्यालयाच्या टीमने केली होती.एखाद दुसरा अपवाद वगळता व्यवस्थेतील सर्व मुले मुली मुस्लिम होती. - अजय देशपांडे (अमरावती)
कोणत्याही टिप्पण्‍या नाहीत:
टिप्पणी पोस्ट करा