चीन अत्यंत खतरनाक आहे असं अनेकांनी सांगितलं आणि १९६० च्या दशकात भारताने त्याचा अनुभवही घेतला होता. आज जगाला त्याचा प्रत्यक्ष अनुभव येतो आहे. कोरोना विषाणू चीनच्या वूहान प्रांतात तयार झाला की अमेरिकेच्या जॉर्जिया प्रांतात हा वाद बाजूला ठेवू, पण त्या विषाणूमुळे निर्माण झालेल्या स्थितीचा फायदा उचलण्यात चीनने पुन्हा आघाडी घेतली आहे. चीनचे ९० टक्क्यांहून जास्त उद्योग पुन्हा सुरू झाले एवढेच नाही, तर जगाची गरज ओळखून (जी कदाचित त्यानेच निर्माण केली) मोटरगाड्यांच्या कारखान्यात कोट्यवधी मास्क तयार करून ते जगभर पाठवणेही त्याने सुरू केलेले आहे. एका वृत्तानुसार जगातल्या ८९ देशांना वैद्यकीय मदत, वैद्यकीय सामान, वैद्यकीय उपकरणे आणि वैद्यकीय माणसे चीन पाठवतो आहे. जगाचीही ती मजबुरी झाली आहे. अर्थात हा सगळा माल चांगल्या दर्जाचा असेलच असे नाही. काही देशांनी तर चीनची पार्सले परत सुद्धा पाठवली आहेत. तरीही बाकी जगाला खड्ड्यात ढकलून जगावर आपले वर्चस्व निर्माण करण्याचा नेहमीच प्रयत्न करणारा चीन आताही त्या दिशेने भरधाव निघाला आहे. हे चांगले चिन्ह मात्र नाही.
- श्रीपाद कोठे
२९ मार्च २०२०
कोणत्याही टिप्पण्‍या नाहीत:
टिप्पणी पोस्ट करा