देवांना पळवून झाले आहेच. त्यांना पळू द्या पण मानवाने केलेल्या कोणत्या गोष्टी पूर्ण आहेत. पूर्ण आणि अत्युच्च आदर बाळगूनही, डॉक्टर, नर्स आदी देव आणि इस्पितळांची देवालये असूनही २० हजाराहून अधिक लोक पृथ्वी सोडून गेले. असो. ते वाद ठेवू बाजूला. पण भाषा तरी निश्चित आणि पूर्ण असते का? आता हेच पाहा - सर्दी, खोकला, ताप ही कोरोनाची लक्षणे आहेत. हे वाक्य योग्य आहे का? लक्षणे याचा अर्थ त्या गोष्टींवरून निष्कर्ष काढता येणे. आता सर्दी, खोकला, ताप म्हणजे कोरोना असा निष्कर्ष काढता येतो का? नाही. किंवा सर्दी, खोकला, ताप म्हणजे दुसरे काही असू शकते. म्हणजे आम्ही भाषेतून एखादी गोष्ट पूर्ण व्यक्त करू शकत नाही. म्हणजेच भाषाही पूर्ण नाही. मानवाने जे जे काही केले त्यात पूर्ण असे काय आहे? एक प्रश्नच आहे.
- श्रीपाद कोठे
२६ मार्च २०२०
कोणत्याही टिप्पण्‍या नाहीत:
टिप्पणी पोस्ट करा